Անպտղության հոգեբանական կողմը. Ինչպես հաղթահարել հիասթափությունն ու սթրեսը զույգով

Երբ զույգը բախվում է անպտղության խնդրին, դժվարությունները միայն ֆիզիկական չեն լինում։ Աշխարհում միլիոնավոր զույգեր անցնում են այս ուղով, և շատերն այս ընթացքում ապրում են հիասթափություն, տագնապ, մեղքի զգացում և անգամ վախ՝ ապագայի նկատմամբ։ Այս վիճակը կարող է ազդել ոչ միայն զույգի հարաբերությունների, այլև առանձին անձանց ինքնագնահատականի վրա։

Ինչպես հաղթահարել հոգեբանական ծանրությունը՝ միասին.

 1. Պահպանել թիմային մոտեցումը։ Անպտղությունը միայն մեկ մարդու խնդիրը չէ, այն վերաբերում է ողջ զույգին, և կարևոր է աջակցել միմյանց՝ առանց մեղավորներ փնտրելու։

 2. Բաց խոսել զգացմունքների մասին։ Երբ զույգերը կիսվում են իրենց հույզերով, նրանք ավելի ուժեղ են դառնում՝ միասին հաղթահարելով դժվարությունները։

 3. Մասնագիտական աջակցություն փնտրել։ Հոգեբանի հետ հանդիպումը կարող է օգնել կառավարել սթրեսը և վերականգնել վստահությունը՝ թե՛ միմյանց, թե՛ իրավիճակի նկատմամբ։

 4. Կենտրոնանալ հարաբերությունների վրա, ոչ միայն բեղմնավորման։ Երբ փորձերը ձախողվում են, զույգերը կարող են ընկնել մի շրջապտույտի մեջ, որտեղ ողջ ուշադրությունը կենտրոնացած է միայն բեղմնավորման վրա։ Կարևոր է ժամանակ գտնել հարաբերությունները պահպանելու և զարգացնելու համար՝ անկախ արդյունքից։